Forsíða

Fréttir

Fræðsla um skjalavörslu og skjalastjórn prestakalla

föstudagur, 29. apríl 2022 - 15:15

Þjóðskjalasafn Íslands og Biskupsstofa, fyrir hönd þjóðkirkjunnar, hafa undanfarið átt í samstarfi um skjalamál prestakalla. Markmiðið er að til verði sértækar og handhægar leiðbeiningar um skjalavörslu og skjalastjórn prestakalla og að fræðsla um skjalahald fyrir presta verði eflt.

Njörður Sigurðsson, aðstoðarþjóðskjalavörður, segir frá starfsemi Þjóðskjalasafns og lagaumhverfi skjalavörslu og skjalastjórnar afhendingarskyldra aðila á Íslandi.

Ný stefna Þjóðskjalasafns 2022-2027

þriðjudagur, 19. apríl 2022 - 13:15

Ný stefna fyrir Þjóðskjalasafn Íslands til næstu fimm ára var kynnt á 140 ár afmælishátíð safnsins þann 4. apríl sl. Stefnan, sem nær yfir árin 2022-2027, markar ákveðin tímamót í starfseminni með áherslu á stafræna umbreytingu. Upplýsingatæknisamfélag 21. aldar kallar á nýjar áherslur og nýjar lausnir í langtímavörslu skjala- og gagnasafna og miðlun upplýsinga til notenda.

Stefna Þjóðskjalasafns Íslands 2022-2027

Hollvinasamtök Þjóðskjalasafns Íslands stofnuð.

mánudagur, 4. apríl 2022 - 12:00

Í tengslum við 140 ára afmæli Þjóðskjalasafns Íslands þann 3. apríl sl. voru stofnuð Hollvinasamtök safnsins.

Tilgangur Hollvinasamtakanna er að treysta tengsl almennings við safnið og auka skilning á mikilvægi varðveislu heimilda um stjórnskipan, stjórnsýslu, borgaraleg réttindi og sögu íslensku þjóðarinnar.

Hjörleifur Guttormsson og Steinunn Valdís Óskarsdóttir við stofnun Hollvinasamtaka Þjóðskjalasafns Íslands.

Þjóðskjalasafn Íslands 140 ára

mánudagur, 4. apríl 2022 - 12:00

Þjóðskjalasafn Íslands fagnaði 140 ára afmæli þann 3. apríl og var hátíðardagskrá af því tilefni í dag, 4. apríl. Stofnun Þjóðskjalasafns miðast við auglýsingu landshöfðingja um starfrækslu landsskjalasafns þann 3. apríl 1882. Í upphafi varðveitti safnið skjöl helstu embætta sem rúmuðust á dómkirkjuloftinu í Reykjavík.

Þjóðskjalasafn Íslands

Útgáfu annars bindis Yfirréttarins fagnað á Alþingi

föstudagur, 1. apríl 2022 - 13:00

Útgáfu annars bindis ritraðarinnar Yfirrétturinn á Íslandi var fagnað í móttöku sem forseti Alþingis bauð til í gær í Skála Alþingis. Af því tilefni fluttu ávörp Birgir Ármannsson, forseti Alþingis, Hrefna Róbertsdóttir þjóðskjalavörður og forseti Sögufélags, Gísli Baldur Róbertsson og Jóhanna Þ.

Hrefna Róbertsdóttir, þjóðskjalavörður og forseti Sögufélags, færði Benedikt Bogasyni, forseta Hæstaréttar, Birgi Ármanssyni, forseta Alþingis og Guðna Th. Jóhannessyni, forseta Íslands, fyrstu tvö bindin úr ritröðinni.

Afhending og skönnun á manntalinu 1952

miðvikudagur, 2. mars 2022 - 13:15

Þjóðskjalasafn Íslands og Þjóðskrá Íslands undirrituðu í gær samstarfssamning um afhendingu og skönnun á manntalinu 1952. Markmið samningsins er tvíþætt, annars vegar að tryggja varðveislu frumrita manntalsins í Þjóðskjalasafni og gera myndir af því aðgengilegar á vefnum. Hins vegar er markmiðið að safna upplýsingum og skrá verkferla við skráningu, skönnun og miðlun manntalsins.

Njörður Sigurðsson, aðstoðarþjóðskjalavörður og Anna Eyberg Hauksdóttir, fagstjóri gagnastýringar hjá Þjóðskrá Íslands, undirrita samstarfssamning um afhendingu og skönnun á manntalinu 1952.

Pages