Forsíða

Fréttir

Nýtt skipurit Þjóðskjalasafns

þriðjudagur, 1. mars 2022 - 10:45

Nýtt skipurit Þjóðskjalasafns Íslands tekur gildi frá og með deginum í dag, 1. mars. Markmið nýs skipurits er að styrkja betur nýjar áherslur í verkefnum safnsins. Með nýju skipuriti verða svið safnsins lögð niður sem slík og aukin áhersla lögð á fageiningar.

Þjóðskjalasafn Íslands

Ritið Lénið Ísland tilnefnt til viðurkenningar Hagþenkis

fimmtudagur, 10. febrúar 2022 - 10:30

Rit Kristjönu Kristinsdóttur, Lénið Ísland. Valdsmenn á Bessastöðum og skjalasafn þeirra á 16. og 17. öld, sem Þjóðskjalasafn Íslands gaf út í lok síðasta árs hefur verið tilnefnt til viðurkenningar Hagþenkis, félags höfunda fræðirita og kennslugagna. Ritið er er eitt af tíu sem tilnefnd eru en greint var frá þeim við hátíðleg athöfn í gær.

Kristjana Kristinsdóttir við tilnefndar bækur

Norrænir skjaladagar 2022 - Skráning hafin

miðvikudagur, 9. febrúar 2022 - 11:15

Skráning er hafin á Norræna skjaladaga 2022 sem fram fara í Stokkhólmi í Svíþjóð dagana 1-2. september nk. Skráning stendur yfir til 25. apríl. Norrænir skjaladagar er einn meginvettvangur norrænna skjalasafna og samstarfs norrænna þjóðskjalasafna. Ráðstefnan byggir á langri hefð og hefur verið haldin að jafnaði þriðja hvert ár frá 1935.

Stokkhólmur

Gleðilega hátíð!

miðvikudagur, 22. desember 2021 - 9:15

Þjóðskjalasafn Íslands óskar landsmönnum öllum gleðilegra jóla og farsældar á nýju ári og þakkar ánægjulegt samstarf á árinu sem senn er liðið.

Gleðileg jól!

Gjaldskrá Þjóðskjalasafns Íslands

þriðjudagur, 7. desember 2021 - 9:00

Þann 1. desember sl. tók gildi gjaldskrá um þjónustu Þjóðskjalasafns Íslands. Með gjaldskránni hefur Þjóðskjalasafn nú heimild til að taka gjald fyrir tiltekna þjónustu og byggir gjaldskráin á heimild í lögum nr. 77/2014 um opinber skjalasöfn og reglugerð nr. 1236/2021 um gjaldskrá Þjóðskjalasafns. Í gjaldskránni er kveðið á um gjald fyrir eftirfarandi þjónustu Þjóðskjalasafns:

Skjalageymslur Þjóðskjalasafns Íslands

Ný skýrsla um skjalavörslu og skjalastjórn sveitarstjórnarskrifstofa

fimmtudagur, 18. nóvember 2021 - 9:00

Þjóðskjalasafn Íslands hefur gefið út skýrslu með niðurstöðum úr eftirlitskönnun safnsins á skjalavörslu og skjalastjórn 19 sveitarstjórnarskrifstofa sem eru afhendingarskyldar lögum samkvæmt til Þjóðskjalasafns Íslands. Eftirlitskönnunin fór fram í febrúar og mars á þessu ári.

Skýrsla. Skjalavarsla og skjaalastjórn sveitarfélaga.

Pages