Sigurður Guðmundsson, myndlistamaður og rithöfundur, afhenti nýverið Þjóðskjalasafni Íslands filmur ljósmyndaverka sinna til varanlegrar varðveislu. Ljósmyndaverkin vann Sigurður á árunum 1970 til 1982 og bera þau samheitið Situations.

Annað tölublað Nordisk Arkivnyt fyrir árið 2014 er komið út. Tímaritið er á annað hundrað blaðsíður og stútfullt af athyglisverðu efni frá öllum Norðurlöndunum, auk fastra efnisatriða eins og Institutionen, Personalia, Publikationer og Dokumentet, sem er að þessu sinni íslenskar teikningar af fyrirhugaðri lagningu járnbrautar frá Reykjavík austur að Ölfusárbrú.