Frá og með 1. apríl 2019 verður breyting á opnunartíma afgreiðslu Þjóðskjalasafns. Opið verður frá klukkan 09:00 - 15:00 alla virka daga. Símatími skrifstofunnar verður sá sami og opnunartími hennar. Opnunartími lestrarsalar er óbreyttur. Þar er opið frá kl 10:00 – 17:00 mánudaga til fimmtudags og 10:00 – 16:00 á föstudögum.

Þjóðskjalasafn Íslands hefur hlotið jafnlaunavottun og þann 6. febrúar síðastliðinn fékk safnið heimild Jafnréttisstofu til að nota jafnlaunamerkið, heimildin gildir til 3. febrúar 2022. Jafnlaunavottun er staðfesting á að stofnunin starfræki launakerfi sem stenst kröfur jafnlaunastaðalsins ÍST 85:2012. Formlegum úttektum á jafnlaunakerfi Þjóðskjalasafns Íslands lauk í desember 2018.