Þjóðskjalasafn hefur á ný hafið viðtöku á skjalasöfnum afhendingarskyldra aðila sem var frestað tímabundið 8. október sl. vegna hertra sóttvarnaraðgerða. Þetta á við hvort sem skjölin eru á pappír eða rafrænu formi. Jafnframt hefst á ný viðtaka einkaskjalasafna. Afhendingarbeiðnir pappírsskjalasafna sem borist hafa frá afhendingarskyldum aðilum verða afgreiddar í þeirri röð sem þær bárust.

Ákveðið hefur verið að framlengja sóttvarnarráðstafanir í Þjóðskjalasafni til og með 9. desember nk. í samræmi við að stjórnvöld ákváðu að framlengja gildandi reglugerðir um takmarkanir á samkomum. Lestrarsalur og afgreiðsla safnsins verða því lokuð. Jafnframt verður ekki tekið við skjalasöfnum til varðveislu og fundir með skjalavörðum og sérfræðingum verða í gegnum síma eða fjarfundabúnað.