Þann 28. febrúar sl. var auglýst eftir umsóknum um styrki til héraðsskjalasafna fyrir skönnun og miðlun á skjölum. Umsóknarfrestur rann út 5. apríl. Til úthlutunar voru 15,2 m.kr. Alls bárust 26 umsóknir um styrki frá 12 héraðsskjalasöfnum.
Stafræn umbreyting er hluti af stefnu Þjóðskjalasafns og hefur það að markmiði að tryggja varðveislu og aðgengi að rafrænum gögnum stjórnsýslunnar og skjölum er varða sögu samfélagsins, sem og að bjóða viðskiptavinum stafræna þjónustu.
