Þjóðskjalasafn Íslands og Héraðsskjalasafn Austfirðinga stóðu fyrir námskeiði um skjalavörslu og skjalastjórn opinberra aðila á Egilsstöðum föstudaginn 1. apríl sl. Á námskeiðinu, sem stóð yfir í heilan dag, var farið yfir alla helstu þætti í skjalahaldi opinberra aðila. Farið var yfir lagaumhverfi opinberrar skjalavörslu og skjalastjórnar, skráningu mála og málalykil, skjalavistunaráætlun, grisjun, rafræna skjalavörslu og frágang og skráningu á pappírsskjölum.

Námskeiðið var vel sótt en 31 starfsmaður sveitarfélaga og ríkis á Austurlandi sátu námskeiðið.