Um síðustu áramót tóku ný fjárlög gildi og samkvæmt þeim fékk Þjóðskjalasafn Íslands það hlutverk að úthluta héraðsskjalasöfnum verkefnastyrkjum til skönnunar- og miðlunar valdra skjalaflokka. Settar hafa verið reglur og almennir skilmálar um umsóknir og úthlutun til þess að tryggja vönduð vinnubrögð og góða nýtingu fjármuna.

Hin árlega Safnanótt, sem er hluti af Vetrarhátíð í Reykjavík, verður haldin föstudaginn 5. febrúar 2016. Að venju tekur Þjóðskjalasafn Íslands þátt í Safnanótt og verður með opið hús í húsakynnum safnsins, Laugavegi 162, frá kl 19:00 - 24:00. Þema kvöldsins tengist flökkurum, förufólki eða flóttamönnum.