Forsíða

Fréttir

Landsnefndin fyrri 1770-1771 í Kiljunni

föstudagur, 10. mars 2017 - 13:45

Egill Helgason, sjónvarpsmaðurinn góðkunni, heimsótti Hrefnu Róbertsdóttur sagnfræðing og sviðsstjóra í Þjóðskjalasafn á dögunum og spjallaði við hana um útgáfu bókanna um skjöl Landsnefndarinnar fyrri 1770-1771 og skoðaði ýmis skjöl sem tengjast útgáfu bókanna. Viðtalið var sýnt í þætti Egils, Kiljunni, miðvikudaginn 8. mars sl.

Egill Helgason og Hrefna Róbertsdóttir

Landsnefndin fyrri 1770–1771 tilnefnd til Viðurkenningar Hagþenkis 2016

föstudagur, 3. febrúar 2017 - 13:15

Í gær, fimmtudaginn 2. febrúar 2017, kl 16:30, voru kynntar tilnefningar Hagþenkis til Viður­kenn­ing­ar Hagþenk­is 2016 í Grófarhúsi við Tryggvagötu í Reykjavík. Tíu rit eru til­nefnd og þeirra á meðal Landsnefndin fyrri 1770–1771.

Tilnefndar til Viðurkenningar Hagþenkis 2016

Safnanótt 2017

þriðjudagur, 31. janúar 2017 - 15:45

Hin árlega Safnanótt, sem er hluti af Vetrarhátíð í Reykjavík, verður haldin föstudaginn 3. febrúar 2017, en þá verða  söfn á höfuðborgarsvæðinu með opið hús og kynna starfsemi sína.

Páll Árnason, lögreglumaður nr. 2

Mennta- og menningarmálaráðherra heimsækir Þjóðskjalasafn

fimmtudagur, 26. janúar 2017 - 14:45

Nýskipaður mennta- og menningarmálaráðherra, Kristján Þór Júlíusson, heimsótti Þjóðskjalasafn Íslands í dag. Þar kynnti hann sér starfsemi safnsins og hitti starfsfólk. Í tilefni heimsóknarinnar fékk ráðherra að gjöf sérhannaða grillsvuntu með áprentaðri mynd úr manntalinu 1703. Þar má sjá lista yfir heimilisfólk í Hvassafelli, Saurbæjarhreppi, Eyjafirði á þeim tíma sem manntalið var tekið.

Mennta- og menningarmálaráðherra með svuntuna góðu

Fjórða tölublað Nordisk Arkivnyt 2016

föstudagur, 23. desember 2016 - 8:45

Fjórða tölublað Nordisk Arkivnyt á árinu 2016 var að koma úr prentun. Að vanda er blaðið stútfullt af vönduðu efni sem áhugafólk um starfsemi skjalasafna og margir aðrir gætu haft áhuga á að kynna sér. Meðal annars svara 12 einstaklingar spurningu um hvaða hæfileikum skjalavörður framtíðar þurfi að vera gæddur. Með þessu tölublaði lýkur sextugasta afmælisári tímaritsins.

Nordisk Arkivnyt 2016-4

Fyrsta gerðabók Alþýðusambands Íslands aðgengileg á Netinu

miðvikudagur, 7. desember 2016 - 11:30

Á undanförnum árum hefur Alþýðuflokkurinn og einstaklingar innan hans unnið mikið starf við að afhenda gögn sín til Þjóðskjalasafns. Þar er að finna mikið magn heimilda um íslensk stjórnmál á 20. öld og raunar til þessa dags. Enn er unnið að afhendingu gagna frá ýmsum sem gegndu trúnaðarstörfum fyrir flokkinn.

Fyrsta gerðabók ASÍ

Pages